أخلــيت مسئوليتي..

أخليت مسئوليّتي

الواجب انّك لا تعدّيـت الحـدود وطفْتهـا
أقـلّ حاجـه تحتـرم نفسـك وتحشـم جيّتـي
جوانبي الأخرى تـرا للحيـن ماقـد شفْتهـا
فالأفضل انّك تتقـي شـري.. وتأمـن سيّتـي
كنت احسب انّك فاهم ْلشخصيّتي وانصفْتهـا
أثْرك إلين اليوم ما انـت بفاهـم ْلشخصيّتـي
أجل!!.. ألاعيبك إذا ويّـاي.. مـا خفّفْتهـا
عقليّتك.. وشلـون ترقـى لمستـوى عقليّتـي؟
ياهي كثير اشياء صارت منْك ما استلطفْتهـا
أقلّها كذبـك.. وانـا فـي عـزّ مصداقيّتـي
واخطاء لا يمكن تطوف .. برغبتي .. طوّفْتها
حتى أبيّن لك مـدى صدقـي وطيبـة نيّتـي
ياخي انا كل المشاعر لجلـك .. استنزفْتهـا
وانت (ف) برودك للأسف.. قتلت رومنسيّتـي
حتى أحاسيسك عشاني .. مـا بعـد كلفْتهـا
ما كنّك انت اللـي ورى تحطيمـك ْلنفسيّتـي
أطالب بكامل حقوقي منْك .. وانت اجحفْتها
تقول كنّي من ال"بدون" اطالـب بجنسيّتـي
خلّيتني مصدوم فيـك وهقوتـي .. اخلفْتهـا
واصبحت فاقد شيء مـن طبعـي وتلقائيّتـي
يعني ترا عفويّتي من تحت راسك .. عفْتهـا
مع اني واحد دوم احـب اتعامـل بعفويّتـي
لكنّي أتلفـت العلاقـه.. مثـل مـا أتلفْتهـا
مـا دام إنسانيّتـك .. ماهـي .. لإنسانيّـتـي
أبشر .. وانا اللي دمعتي لليوم ما كفكفْتها
إنّي لاعلمْك البكا .. واثبـت لـك استاذيّتـي
واجعلْك قصه من صميـم التجربـه.. ألّفْتهـا
دفعـت فيهـا كبريـاء احساسـي.. وحنيّتـي
صدقني .. حاولت آتغاضى والعواقب.. خفْتها
لكني اخشى لـو تطيـح بنـاس مـن نوعيّتـي
إحساسها مرهف.. ولو حاولت واستهدفْتهـا
ماني بساكت.. وانتبه من سخطـي وسلبيّتـي
أفعالك اصلاً لامسَت شخصـي وانـا صرّفْتهـا
وشلون اصرّفها.. إذا هـي لامسَـت قوميّتـي
تستاهل انّك تنجحد من نـاس مـا شرّفْتهـا
واوّل ترددت اجْحدك ..والحيـن بامكانيّتـي
ما دامك ْتعدّيت ويّاي الحـدود ..وطفْتهـا
غسلـت يـدّي منّـك.. وأخليـت مسئوليّـتـي

تحيتي