Got My Cursor @ 123Cursors.com

 
الرئيسيةالبوابةالتسجيلدخول

شاطر | 
 

 تجي يارب...!!

اذهب الى الأسفل 
كاتب الموضوعرسالة
مكتفة نملة
بنوته فعاله
بنوته فعاله
avatar

عدد الرسائل : 494
العمر : 27
مزاجي :
المهنه :
تاريخ التسجيل : 12/06/2008

مُساهمةموضوع: تجي يارب...!!   السبت سبتمبر 27, 2008 1:00 am

تجي يارب

على الموعد بلهفه جيت لامانع ولاتأخير
لفيت من العصر هايم مع ان الموعد المغرب
وجتني بس انا مدري شعرت الجيه هذي غير
وهي تقرب من عيوني شعرت ان الممات اقرب
وقلت : الله يهونها عسى في جيتك لي خير
انا من شفــــــــتك اقبلتي وانا خايف ومستغرب
على كثر الحكي مدري كأنه خانها التعبير
قالت لي جمل واشيــــــــاء لا تكتب ولا تعـــــرب
هدت فجأه تطالعني وانا في حاجة التفسير
لجل نحكي بهدوء اكثر .. سألت الحلوة وش تشرب؟
وصاحت بي .. انا أحبك ولك في هالحشى تقدير
وتدري ان المثل فينا وفي احساسنا يضــــــرب !!
صحيح انك (وفي) وانك (بري) من تهمة التقصير
ولكن ذي عوايدهم من ايام وزمن يثـــــــــرب
تكون البنت لابن العم ورغبات الكبار تصير
وتدري الاقربون اولى مع انك للخفوق أقــــــرب
وتدري للقدر كلمة و لعادات الأهل تأثير
لذا ارجوك تتركني وانا من دنيتك باهــــــرب
شعرت بحكيها كنه قصاص وأمر بالتعزير
شعرت الدنيا ضاقت بي من المشرق ليا المغرب
مشت خلت وراها طفل مايدرك وش التدبير
يحسب ان الغرام اشعار شاعر واغنية مطرب
ضحكت وماقدرت اني الاقي لضحكتي تبرير
من اللي بوقتنا مره ضحك من لدغة العقرب؟!
رفضت استوعب اللي صار ولا استسلمت للتغيير
ثمان سنين .. أجي نفس المكان بحزة المغرب
برغم ان الثمان سنين جرح وكلفتني كثير
انا لليوم أجي وادعي .. تجي يارب .. تجي يارب



تحيتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تجي يارب...!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بنوتات :: احساس الورق-
انتقل الى: